Аҕа дойду сэриитигэр Ржев кыргыһыытыгар сураҕа суох сүппүт буойун 77 сыл буолан баран көмүс уҥуоҕа көтөҕүллүбүт саллаат Ильин Ефим Дмитриевич сиэнэ Александра Ивановна Третьякова Ржев куорат суруналыыһыгар интервьюта. 2021 сыл

Үөһээ Бүлүүтээҕи О.Д. Федорова аат. киин модельнай библиотекаҕа от ыйын 2 күнүгэр историяҕа киирэр долгутуулаах түгэн буолла. Ол курдук Ржев куоракка сураҕа суох сүппүт саллаат 77 сыл буолан баран уҥуоҕун кырамтата булуллан, кини сиэннэрэ кэпсии, сонуннарын үллэстэ кэллилэр.
2020 сылга Ржев куорат аттыгар Аҕа дойду сэриитигэр охтубут буойуттар кырамталарын көрдүүр биригээдэ, чуолаан А.Туманцев биригээдэтэ, Үөһээ Бүлүүттэн төрүттээх биллибэт саллаат уҥуоҕун булбутун биллэрбитэ тарҕаммыта. Бу Хомустаахтан сэриигэ барбыт уонна сураҕа суох сүппүт Ильин Ефим Дмитриевич буолара биллибитэ.
Быйыл бэс ыйын 22 күнүгэр – кутурҕан күнүгэр, 1332 тыһыынчаттан тахса буойун уҥуохтарын көтөҕүү сиэригэр-туомугар Ефим Дмитриевич сиэннэрэ кыттыыны ыллылар. Бу буойуттартан 20-чэ эрэ саллаат аата чуолкайдаммыт.
Ефим Дмитриевич сиэнэ Орто Халымаҕа олорор Александра Ивановна Третьякова Ржев куорат суруналыыһыгар интервью биэрбитин эһиги болҕомтоҕутугар таһаарабыт.