“Хоһооммор хоһуллар дьүкээбил суһума” эбэҥки талааннаах поэта Дмитрий Нестерович Апросимов үбүлүөйдээх тэрээһинэ

Кулун тутар 22 күнүгэр “Хоһооммор хоһуллар дьүкээбил суһума” диэн 60-нус, 70-нус сылларга Мэйик нэһилиэгэр учууталынан, библиотекарынан, кулууп сэбиэдиссэйинэн үлэлээбит күтүөппүт, сахалыы суруйар эбэҥки норуотун талааннаах суруйааччыта Дмитрий Нестерович Апросимов үбүлүөйдээх 95 сылыгар ананар истиҥ иҺирэх көрсүҺүү улуустааҕы О.Д. Федорова аатынан киин модельнай библиотекаҕа буолан ааста.Бу көрсүҺүүгэ күндү ыалдьыттарынан поэт икки уолаттара Апросимов Ал.Д. поэт улахан уола, респ. доруобуйаларынан хааччахтаах эдэр дьон идэ ылар интернат-техникумун эбии үөрэхтээһин преподавателэ.
Апросимов Ан.Д. – поэт кыра уола Россиятааҕы художниктар Ассоциацияларын чилиэнэ, Амматааҕы Черных аатынан оҕо искусствотын оскуолатын үрдүкү категориялаах учуутала,
Апросимова А.Н. – поэт бииргэ төрөөбүт балта, “Бочуот Знага” орден кавалера.
Куличкина А.Г. – СӨ нэҺил.социальнай көмүскэлин Үтүөлээх үлэһитэ.
Ксенофонтов П.Н. – поэт доҕоро, РФ уонна СӨ журналистарын чилиэнэ, 1971 с. “Чэчир” айар түмсүү бастакы чилиэнэ.
Бээрийэ кыыһа Хотойук Айгыына – суруйааччы, суруналыыс.
Толстоухов Г.М. – СӨ эбэҥкилэрин Ассоц. чилиэнэ.
Күөрэгээйэбэ Г. С.- эбэҥки тылын, үгэстэрин, историятын тарҕатааччы.
Егоров А.Л. – Өркөн Дьол – прозаик, оһуохайдьыт.
Истиҥ көрсүҺүүгэ кыттыыны ыллылар ҮөҺээ Бүлүү улууһун дьаһалтатын тэрийэр отделын салайааччыта Николаев Е.С., культура департаменын начальнигын солб. Шестакова В.П., Петр Тобуруокап түмэлин салай. Чычахов И.Е., Ю.Н. Прокопьев аатынан оҕо спортивнай оскуолатын саха тылын учуутала Силигиянова М.С., Мэйик нэһилиэгиттэн төрүттээх Яковлев И.И.- Мыкытыа, Россия суруйааччыларын союһун чилиэнэ, поэт Васильев Н. – Харыйалаах Уола Дмитрий Нестерович туҺунан ахтыылары оҥордулар.
Бу тэрээһин ҮөҺээ Бүлүү улууҺугар оруобуна Түмсүү сылынан улууска олорор хотуттан Уус Майа, Өлүөхүмэ, Жиганскай, Өймөкөөн улуустарыттан, Красноярскай кыраай, Хатанга бөһүөлэгиттэн, Хабаровскай кыраай, Нанайскай оройуонтан төрүттээх дьоммутун кийииттэри, күтүөттэри түмтэ. Манна бааллар долганка, нанайка, эвен, эбэҥкилэр. Кинилэр ҮөҺээ Бүлүүнү иккис дойду оҥостон олорор дьоммут Дүллүкүттэн, Намтан, Кэнтиктэн, Онхойтон, Балаҕаннаахтан, Үөдүгэйтэн, улуус бөһүөлэгиттэн түмсэн үөрдүлэр-көттүлэр, биир дойдулаахтарын көрсөн ахтылҕаннарын таһаардылар. Бу көрсүҺүүгэ кийииттэр Уус Майаттан төрүттээх РФ. доруобуйатын Харыстабылын туйгуна Бубякина Н.В. уонна Өлүөхүмэ, Тээнэ нэһил. төрүттээх доруобуйа харыстабылын Бочуоттаах ветерана Яковлева Т.В. бу көрсүһүүгэ биир дойдулаахтарын көрөн, көрсөн үөрбүттэрин, тэрийбит дьоҥҥо махтал тылларын эттилэр.
ТэрээҺиҥҥэ “Санаа ситимэ” литер. түмсүү чилиэннэрэ Дмитрий Апросимов хомоҕой хоһооннорун аахтылар.
А. Саввинов, Намтан С. Павлов, И. Яковлев – Мыкытыа уонна “Сиккиэр” общ. түмсүү чилиэннэрэ иэйиилээх ырыаларын бэлэхтээтилэр.
Дьокуускай куораттан кэлбит ыалдьыттарбыт салайааччы Александр Дмитриевич “Аҕабар Дмитрий Апросимовка аналлаах тэрээһин ҮөҺээ Бүлүүгэ олох үрдүк таһымҥа ыытылынна. Өрөспүүбүлүкэҕэ ханнык да улууска ыытылла илик “Хотугу Норуоттар күннэрин” бастакыннан эһиги ыыттыгыт. ХаҺан да маннык буола илигэ. Бары тэрийбит, үлэлээбит дьоҥно уонна киин библиотека директорыгар Наталья Кирилловнаҕа, библиотека коллективыгар барҕа махталбытын биллэрэбит. Ийэбит, аҕабыт олорбут олохторун омоон суолун оҺорбокко, ситиммитин быспакка төрөөбүт, олорбут Мэйикпитин, ҮөҺээ Бүлүүбүтүн хаҺан да умнубаппыт, сибээстэҺэ, билсэ турабыт” диэн махталын биллэрдэ, эбэҥкилии тэтимнээх ырыатын толордо.
Поэт кыра уола Андрей Дмитриевич “Аҕабытын ытыктыыргытын, кини суруйбут айымньыларын биһирииргитин биллэрбиккитигэр улахан махталбытын биллэрэбит уонна сэмэй үлэбин бэлэхтиибин ” диэн этэн туран бэйэтэ уруһуйдаабыт хартыынатын бэлэх уунна. Бу көрсүҺуугэ кэлбит ытык кырдьаҕас, киһи сүгүрүйэ, ытыктыы көрөр киһитэ уҺуйааччы Галина Степановна Күөрэгээйэбэ эбэҥки тылынан бэйэтин норуотун ырыатын ыллаан дьону сөхтөрдө да, үөртэ да. Тэрээһиҥҥэ кэлбит ыалдьыттарбыт ахтыы оҥордулар, истиҥ санааларын эттилэр. Үөһээ Бүлүү улууһугар олохсуйбут аҕыйах ахсааннаах норуоттарбыт төрүт астарынан күндүлээтилэр.
Маны сэргэ Андрей Апросимов уонна эҺэлэрин уруһуйдуур дьоҕурун ылыммыт, иҥэриммит сиэн кыргыттар Нарыйаана, Сайаана, Ангелина Апросимовалар киһини сөхтөрөр уруһуйдара, Өлөөн улууһун Солоҕоон нэһилиэгин Ээйик бөһүөлэгин талба талааннаах иистэнньэҥнэрин быыстапката турда, дьон сэҥээриитин ылла. Төрүт үгэһи, кэрэни тарҕатар уһук хоту сир олохтоох иистэнньэҥэригэр: Алексеева Светлана Трофимовнаҕа, Скрыбыкина Нина Трофимовнаҕа, Николаева Валентина Трофимовнаҕа улахан махталбытын библиотека коллективын аатыттан тиэрдэбит. Түмүккэ баянист, оһуохайдьыт Аскалон Егоров кэрэ куолаһынан ыллаан, оһуохайдаан эҥээриттэ. Бу көрсүҺүү бары өттүнэн арыллан, табыллан хомоҕой тыллаах хоһоонньукка, талааннаах уруһуйдьукка, күтүөппүтүгэр Дмитрий Нестерович Апросимовка анаммыт “Хоһооммор хоһуллар дьүкээбил суһума” тэрээһин үрдүк таһымҥа ыытылынна.