Дмитрий Федосеевич Наумов – Миитэрэй Наумов – аныгы кэм саамай биллэр, норуокка чугас суруйааччыта, драматура алтынньы, Хотой Айыы ыйын 6 күнүгэр күн сирин көрбүт күнэ.
Маҥнайгы кинигэтэ «Дэриэбинэм миэнэ» 2004 сыллаахха тахсыаҕыттан дьон кутун-сүрүн тардан, ордук тыа олохтоохторо Миитэрэй Наумов айымньыларыгар бэйэлэрин күннээҕи түбүктэрин, тыа олоҕун-дьаһаҕын, дьонун-сэргэтин бу баардыы чугастык ылынан, олус сэргээн күн бүгүҥҥэ дылы күүтүүлээх, саҥаттан-саҥа айымньыларын ытыс үрдүгэр түһэрэн, таттаран ааҕар суруйааччылара буолар.
Үөһээ Бүлүүтээҕи О. Д. Федорова аатынан кииннэммит библиотечнай ситими кытта Дмитрий Федосеевич ыкса сибээстээхтик, биир толкуйунан, өйүнэн-санаанан ыллыктаахтык үлэлиир, ол курдук кини тэрийбит «Тобуруокап көмүс күһүнэ» диэн поэзияны таптааччылар көҥүл түһүлгэлэрэ 2013 сылтан 6 төгүл ыытыллан, республика араас муннуктарыттан хоһоону таптааччылар, айааччылар элбээтэр элбээн, күүтэ кэтэһэр биир улахан тэрээһиннэригэр кубулуйда.
Күндүтүк саныыр чугас аҕа табаарыспытын, элбэх араас сырдык, үтүө толкуйдары хааһахтан хостуур курдук сүбэһиппитин, көмүс хатырыктааҕынан күндүлүүр доҕорбутун Дмитрий Федосеевиһы Күн сирин көрбүт үтүө күнүнэн итиитик-истиҥник эҕэрдэлиибит уонна кыттанахтан-кытаанах, чэгиэн доруобуйаны, элбэх саҥаттан-саҥа айымньылары, мэлдьи үөрэ-көтө үтүө сонуннардаах кэлэргин күүтэбит, дьиэ кэргэҥҥэр, чугас дьоҥҥор барыта этэҥҥэ буолууну баҕарабыт!

О. Д. Федорова аатынан Үөһээ Бүлүүтээҕи киин библиотека коллектива.