1939 с. Боотулуу нэһилиэгэр төрөөбүт. 1955 с. Дьокуускайдааҕы кооперативнай техникуму, 1974 с. СГУ саха тылыгар салаатын кэтэхтэн үөрэнэн бүтэрбитэ.

Техникумҥа үөрэнэ сылдьан Үөһээ Бүлүү оройуонугар Сургуулук нэһилиэгэр бандьыыттар илиилэриттэн кыыллыы өлөрүллүбүт Дьаакып уонна Баһылай Долгунуоптар тустарынан кэпсээн суруйан “Эдэр коммунист” хаһыакка бэчээттэппитэ. Салҕыы хаһыакка элбэх кэпсээннэрэ, очеркалара, хоһоонноро, публицистическай ыстатыйалара бэчээттэммиттэрэ. Идэтинэн үлэлээбэккэ үлэтин литературнай редактор быһыытынан “Коммунист” (Таатта) хаһыаттан саҕалаабыта. “Лена маяктара” (Хаҥалас), 1955-1961 сс. “Эдэр коммунист” (Дьокуускай), 1965-1972 сс. “Коммунизм сардаҥата”, 1993 с. «Үөһээ Бүлүү» хаһыаттарга үлэлээбитэ.

Үөһээ Бүлүү оройуонугар «Чэчир» айар талааннаах дьон литературнай түмсүүлэрин салайбыта. Куорамыкы культура киинигэр методиһынан, Госстрах тэрилтэтигэр агенынан үлэлии сылдьыбыта. “Үөһээ Бүлүү” хаһыакка улуустааҕы культура үлэһиттэрин туһунан элбэх ыстатыйалары суруйан бэчээттэппитэ.

Олох араас омсолоох өрүттэрин, итэҕэстэрин-быһаҕастарын көрдөрөр элбэх чабырҕахтары айбыта, “Үөһээ Бүлүү” хаһыакка элбэхтик тахсыбыттара.

 “Ситим” кинигэ кыһатыгар Петр Федоров-Хоринскай быһаччы көмөтүнэн «Аныгылыы чабырҕах», «Алаа харах, аҥаар кулгаах» чабырҕахтар кинигэлэрэ бэчээттэммитэ. Утуу-субуу «Кэриэн ымыйа», «Оонньоон этэбин, кырдьык этэбин» диэн чабырҕахтар, хоһооннор хомуруунньуктарын кинигэлэрэ тахсыбыта.

Кинигэлэрэ:

Алаа харах, аҥар кулгаах: (аныгылыы чабырҕахтар).- Дьокуускай: Ситим, 1992.- 36 с.

Оҥочолоох оҥоһуу: чабырҕахтар.- Дьокуускай: Ситим, 1993.

Кэриэн ымыйам кэриэтэ: [чабырҕахтар].- Дьокуускай: Ситим, 1994.- 62 с.

Оонньоон этэбин, кырдьык этэбин: [чабырҕахтар[.- Дьокуускай: Ситим, 1994.- 78 с.

Эһиги аанньалларгыт: [ахтыылар].- Үөһээ Бүлүү, 2013.- 52 с.