СР бэчээтин туйгуна, Россия,

СР Суруйааччыларын союһун чилиэнэ

1967 сыл балаҕан ыйын 17 күнүгэр Үөһээ Бүлүү оройуонун Үөһээ Бүлүү сэлиэнньэтигэр төрөөбүтэ.

Россия суруналыыстарын, СР суруйааччыларын сойууһун чилиэнэ В. В. Васильев –Муттуххай Бороҥ биир дойдулааҕын туһунан маннык суруйбута: Саха билиҥҥи уус-уран литературатыгар, ордук проза жанрыгар Никифоров В. И.-Суор Уола олус тахсыылаахтык уонна айымньылаахтык үлэлиир. Кини «Сүгэһэр» диэн сэһэнэ 2015 сыл саҕаланыытыгар «Сайдам» (директор Лыткина М.П.) издательствоҕа бэчээттэнэн тахсыбыта. «Сүгэһэр» сэһэнин саха норуодунай суруйааччыта Сэмэн Руфов уус-уран айымньы быһыытынан олус үрдүктүк сыаналаабыта уонна кэлин өссө эбэн, өссө ситэрэн-хоторон улахан кээмэйдээх айымньы оҥороругар сүбэлээбитэ. Онтон «Харах уулаах кэпсээннэр»  диэн  кэпсээннэрин хомуурунньуга 2016 с. «Көмүөл» (директор Павлов Б.И.) издательствоҕа бэчээттэммитэ. «Харах уулаах кэпсээннэрин»  ааҕан баран суруналыыс, суруйааччы уонна кинигэ таһаарааччы Б. И. Павлов кинигэни билиһиннэрии киэһэтигэр: «Мин Суор Уолун кэпсээннэрин сүрдээҕин умсугуйан, сэргээн аахтым. Уонна өссө кинини саха Мопассана үөскээн эрэр эбит ээ диэн  үөрэ санаатым», — диэбитэ.

            «Даасыкка дьылҕата» кэпсээнинэн Сунтаар улууһун Кэмпэндээйи нэһилиэгэр кулууп үлэһиттэрэ, оскуола учууталлара кылгас кээмэйдээх уус-уран киинэ устубуттарын аҕалан Дьокуускай куоракка көрдөбүттэрэ, күүтүллүбүтүнн курдук сахалыы киинэни сэҥээрээччилэр биһирэбиллэрин ылыан ылла. Кини айымньыларын ааҕааччылар эрэ буолбакка, литературоведтар эмиэ бэйэлэрин болҕомтолоругар ылбыттарын туһунан Суор Уолун аатын ааттаан, кэпсээннэрин ыйан туран дакылааттарыгар ахтан ааһаллар.

Айымньылара:

Сүгэһэр: сэһэн / Суор Уола. – Дьокуускай: Сайдам, 2015. – 80 с.

Харах уулаах кэпсээннэр. – Дьокуускай: Көмүөл, 2016. – 100 с.

Харах уулаах кэпсээннэр ; Ол ыарахан кэмнэргэ [Электронный ресурс] : [кэпсээннэр] / В. И. Никифоров – Суор Уола ; ааҕар Н. Кычкина ; Саха Респ. культуратын уонна духов. сайдыытын м-вота, Респ. көрбөттөр анал б-калара. – Электрон. аудиодан. (9 файлов: 310МБ). – Дьокуускай : РБС, 2017. – 1 электрон. опт. диск (CD-ROM) (5 ч 44 мин) : зв. 

Ол ыарахан кэмнэргэ: кэпсээннэр /Суор Уола. – Дьокуускай: Компания  „Дани-Алмас“, 2017. – 116 с.

Түүҥҥү Куо : [сэһэн, кэпсээннэр] / Суор Уола. – Дьокуускай : Бичик, 2017. – 89, [2] с. : ил.-  (Дьиҥ олохтон).