Педагогическай наука профессора, педагогическай үөрэҕирии Аан дойдутааҕы Академиятын академига, Саха Республикатын үтүөлээх тренера,

Россия норуотун үөрэҕириитин туйгуна, олоҥхоһут, оһуохайдьыт

            1934 сыллаахха Үөһээ Бүлүү оройуонугар Кэнтик нэһиэлэгэр төрөөбүтэ. Алта ыйдааҕар Өргүөт нэһилиэгин Муоҕан олохтоохторо Шамаев Калинник Иннокентьевич, Шамаева Варвара Степановна ииттэ ылбыттара. Кыра сааһыттан биир дойдулаахтара Иван Осипов-Моонньооһун, Иона Иванов-Адьас олоҥхолуулларын умсугуйан истэн, уон саастааҕыттан кинилэри үтүктэр идэлэммитэ. Эмиэ уоннааҕыттан оһуохайы этэргэ холонон көрөр буолбута.

            1992 с. Дьокуускайга ыытыллыбыт ойууннааһыҥҥа Аан дойдутааҕы конференцияҕа сахалар ааттарыттан ойуун кыырыытын көрдөрбүтэ. Фольклор араас көрүҥнэригэр ыытыллыбыт Саха сирин конкурстарыгар элбэхтик кыайыылааҕынан тахсыталаабыта.

            Н. К. Шамаев 1994 с. “Дьоруо хоҥор аттаах дьоллоох-соргулаах Дьорҕостой Бэргэн” диэн олоҥхотун таһаартарбыта. Бу олоҥхотун телевидениенэн, радионан уонна нэһилиэнньэҕэ көрсүһүүлэргэ олоҥхолоон элбэх биһирэбили ылбыта.

            Иккис дьон биһирэбилин ылбыт олоҥхотунан “Бүдүрүйбэт айылгылаах Бөҕө Мүлдьү” буолар. Бу олоҥхо 2003 с. кинигэ буолан тахсыбыта.