(Арассыыйаҕа – Педагог уонна настаабынньык , Саха сиригэр – Үлэ,
Үөһээ Бүлүүгэ – И. Бараахап сыллара)
Ыытыллар кэмэ: 2023 сыл олунньу 21 күнэ.
Саҕаланар: Күнүс 15ч. 00м. .
Ыытыллар сирэ: О.Д. Федорова аат. киин модельнай библиотека, Октябрьскай уул., 17
Тэрийээччилэр: Киин модельнай библиотека, «Үөһээ Бүлүү» хаһыат редакцията.
Күрэх сыала-соруга:
1.Төрөөбүт ийэ тыл баайын-кыаҕын баһылааһын.
2. Кэлэр кэнчээри ыччаты сахалыы тыыҥҥа,үтүө сиэргэ – майгыга угуйуу.
3.Сахалыы толкуйу, санааны сайа этэр дьоҕуру сайыннарыы.
Кытталлар: 7-11 кылаас оҕолоро уонна улахан дьон сааһыттан тутулуга суох кыттар. Күрэх оҕолорго икки түһүмэҕинэн ыытыллар: I түһүмэх – оскуолаларынан, II түһүмэх – оскуолалартан талыллан миэстэлэспит үөрэнээччилэр Аман өс күрэҕэр кытталлар.
Усулуобуйата: Тыл этии, нуучча тылын кыбыппакка уу сахалыынан саҥарыы ирдэнэр. Күрэх 2 (икки) түһүмэҕинэн ыытыллар:
1 түһүмэх: Көҥүл темаҕа бэлэмнэнэн кэлэн уустаан-ураннаан дьоҥҥо тиийэр гына өйтөн 7-10 мүн. кэпсээһин.
2 түһүмэх: Бастакы түһүмэххэ биһирэммиттэр салгыы сэрэбиэй быһыытынан ыйыллыбыт тиэмэлэринэн бэйэлэрэ көҥүл санааларын 5- тии мүнүүтэ этэллэр:
– Мин сүгүрүйэр суруйааччым – (Н.Золотарев-Н.Якутскай; Н.Седалищев-Дьүөгэ Ааныстыров; С.Дадаскинов; В.Сивцев; Д.Наумов; Т.Винокурова-Сабыйа; В.Васильев-Муттуххай Бороҥ о.д.а.)
– Төрөөбүт төрүт тыл – кэскилбит мэктиэтэ.
– «Төрөөбүт дойду ахтылҕана …» .
– Дойду патриота диэн кимий?.
– “Үлэһит киһи өлөн-охтон биэрбэт”.
– Чэбдигирии – ис турук, өй-санаа, сиэр- майгы.
Сыаналанар ирдэбилэ:
- Тутула: Тыл этиини саҕалааһын, тиэкиһи аттаран ситимнээһин, тыл этиитин сөптөөхтүк түмүктээһин.
- Тыл өс культурата: тыл литературнай нуорматын тутуһуу, тылын баайа, араас уус-уран ойуулуур-дьүһүннүүр ньыманы туһаныы, тыл этии иэйиитэ, истээччигэ дьайыыта.
- Тыл этии техниката: тыл этээчи туттан хаптан турара, интонацията, дикцията, тыл тэтимэ, куолас эгэлгэтэ.
- Араатар сахалыы таҥастааҕа биһирэнэр.
Кыайыылаахтар грамотанан, сертификатынан наҕараадаланаллар.
Конкурска кыттыан баҕалаахтар сайаапкаҕытын киин библиотекаҕа түһэриҥ.
Билсэр телефоҥҥут: : 4-12-28 ; 89841073915.