Олунньу 13 күнэ Саха сирин үрдүнэн төрөөбүт тыл уонна сурук-бичик күнэ.
Бу күн 1996 сыл Саха Өрөспүүбүлүкэтин бастакы бэрисидьиэнэ Михаил Ефимович Николаев ыйааҕынан саха норуотун улуу сырдатааччыта, талааннаах лингвист Семен Андреевич Новгородов төрөөбүт күнэ «Төрөөбүт тыл, сурук-бичик күнүнэн» биллэриллибитэ. 2014 сылтан үгэскэ кубулуйбут Өрөспүүбүлүкэ үрдүнэн Хотугулуу-Илиҥҥи бэдэрээлинэй үнүбүрсүтүөт уонна Саха Өрөспүүбүлүкэтин Национальнай бибилэтиэкэтэ тэрийэн ыытар Сахалыы дьыктааны суруйуу аахсыйа Ольга Дмитриевна Федорова аатынан улуустааҕы киин модельнай бибилэтиэкэҕэ олунньу 17 күнүгэр ыытылларын иһитиннэрэбит, биһиги мультимедийнай саалабытыгар 14.00 чаастан күүтэбит.
Дьыктаан ыытыллар сыала-соруга: Саха тыла киэҥ эйгэҕэ-билимҥэ, култуураҕа, үөрэхтээһиҥҥэ, дьыала-куолу тылыгар, үлэ араас салаааларыгар, тэрилтэлэргэ туттуллар, сайдыбыт истииллэрдээх, олоҕурбут нуормалаах судаарыстыба тыла буолар. Таба суруйуу литэрэтиирэ, сурук-бичик тылын нуорматын биир суолталаах салаата. Бу тэрээһин оскуола оҕотуттан саҕалаан улахан дьоҥҥо тиийэ табатык суруйууну уонна төрөөбүт төрүт тыл кыһалҕаларыгар уопсастыба араас араҥатын болҕомтотун тардар сыаллаах ыытыллар.
Дьыктааны суруйтарыаҕа Үөһээ Бүлүүтээҕи И.Н. Бараахап аатынан 1 №-дээх оскуола саха тылын уонна литэрэтиирэтин учуутала, СӨ үөрэҕириитин туйгуна, СӨ методист учуутала, РФ Президенин гранын хаһаайына, Учууталлар учууталлара Матрена Пантелеймоновна Андреева.
Бары көхтөөх кыттыыны ыларгытыгар ыҥырабыт. Дьыктаан түмүгэ олунньу 19 күнүгэр биллиэҕэ.
Бу нүөмэрдэргэ билсиэххитин сөп: 89142927753, 89142286040
