Тохсунньу 27 күнэ – Ленинград куорат блокадаттан босхоломмут күнэ. Аҕа дойду сэриитигэр Ленинград куорат 1941 сыл балаҕан ыйын 8 күнүттэн 1944 сыл тохсунньу 27 күнүгэр диэри 872 күн устата блокадаҕа олорбута.
Тохсунньу 27 күнүгэр Үөһээ Бүлүүтээҕи О.Д.Федорова аатынан киин модельнай библиотекаҕа алтыс кылаас оҕолоругар «Война. Блокада. Ленинград» диэн хорсун быһыы уруога ыытылынна. Оҕолор төрөөбүт куораттарын өстөөххө биэрбэт туһугар собуоттарга, куорат дьиэлэрин үрдүттэн умайар буомбалары умуруорарга, дьон оһоҕор уматыкка туттар маһы буларга уо.д.а. үлэлэргэ улахан дьону кытта тэҥҥэ үлэлээбиттэрин туһунан иһиттилэр, дьиҥнээх документальнай киинэ көрдүлэр, хамаандаҕа арахсан викторинаҕа кытыннылар уонна ол кэминээҕи хоһооннору аахтылар.
Маны тэҥэ, ол ыар кэми санатар, дьон булугуруйбат күүстээх санаатын бэлиэтэ буолан хараллан турарын быыстапкаттан көрдүлэр. Хас биирдии оҕоҕо 125 гр. хара килиэп бэриллэн оҕолор килиэп барахсан хайдахтаах күндүтүн өссө төгүл сүрэхтэригэр иҥэрдилэр.
