Тэрийээччилэр: «Аҕа дойдуну көмүскээччилэр» улуустааҕы судаарыстыбаннай пуонда, О.Д. Федорова аатынан киин модельнай библиотека, Норуот айымньытын киинэ.
1. Уопсай балаһыанньа
1.1. Күрэх сүрүн соруга: Саха дьонун айар кутун уһугуннарыы, Төрөөбүт дойдуга бэриниилээх буолууну (патриотизмы) хоһоон тылынан хоһуйуу уонна саҥа ырыаны айан үйэтитии.
1.2. Тэрээһин Аҕа дойдуну көмүскээччи күнүгэр — олунньу 23 күнүгэр наҕараадаланар.
1.3. Талыллыбыт хоһооҥҥо матыып айыллар, аранжировка оҥоһуллар уонна ырыа буолан бэлэмнэнэр.
2. Кыттааччыларга ирдэбил
2.1. Күрэххэ 18 саастарын туолбут уонна онтон үөһэ саастаах улуус айар куттаах дьоно кытталлар.
2.2. Кыттааччы бэйэтэ айбыт, урут ханна да бэчээттэнэ илик, ырыа буолан ылланарга табыгастаах (ритмнаах, мелодичнай) хоһоонун ыытар.
3. Хоһоон ис хоһооно
3.1. Темата: Дойдуга таптал, хорсун быһыы, төрөөбүт сир туруга, эр дьон дьоһуна.
3.2. Тыла-өһө: Сахалыы ыраас тылынан суруллубут буолуохтаах.
4. Күрэх ыытыллар бэрээдэгэ
4.1. Бастакы түһүмэх: Хоһооннору тутуу олунньу 3 күнүттэн – олунньу 19 күнүгэр дылы.
4.2. Иккис түһүмэх: Дьүүллүүр сүбэ үлэлэрин сыаналыыр. Дьүүллүүр сүбэ састаабыгар киирэр мелодист (матыып айааччы) бастыҥ, ырыа буолар кыахтаах хоһоону талан ылар.
5. Түмүк уонна наҕараадалааһын
5.1. Күрэх кыайыылаах хоһооно ыам ыйын 9 күнүгэр анаммыт дьоро киэһэҕэ саҥа ырыа буолан аан бастаан ылланар (премьера).
5.2. Хоһоон авторыгар «Бастыҥ хоһоонньут» аат иҥэриллэр уонна өйдөбүнньүк бэлэх туттарыллар.
6. Сыаналыыр ирдэбиллэр (критерийдэр)
• Хоһоон ис хоһооно тематыгар сөп түбэһиитэ;
• Тылын-өһүн баайа, уобарастаах буолуута;
• Мелодичноһа: Ырыа матыыбыгар киирэр, дьүрүскэн буолар кыаҕа.
7. Билсэр нүөмэрдэргит:
89142975593, 89142938410.
Хоһооннору cbio.vvlib@mail.ru эл.почтаҕа күүтэбит.
Тэрийэр бөлөх
