“Белая трость” акция саҕаланна

Алтынньы 15 күнүттэн сэтинньи 13 күнүгэр диэри “Белая трость” акция саҕаланна. Онон сибээстээн Үөһээ Бүлүүтээҕи  О. Д. Федорова аатынан киин  модельнай библиотека Көрбөт обществотын кытта кэккэ тэрээһиннэри, күрэхтэри тэрийэн саҕалаата. Ол курдук “Мин өбүгэм үйэлээх маллара” уонна  “Иэйиибин хоһооммор тистэрбин…” күрэххэ көрбөт уонна мөлтөхтүк көрөр дьоннорбут көхтөөх кыттыыны ыллылар. Кырыкыйтан Захар Дмитриев, Хороттон Раиса Григорьева, Оҥхойтон Владимир Михайлов, Тамалакаантан Матрена Сидорова уонна Өргүөттэн 11 саастаах Леонтий Ноговицын өбүгэлэриттэн хаалбыт сэдэх малларын кэпсээн видеоҕа уһуллан ыыттылар. Ону таһына айар талааннарын уһугуннарар хомоҕой хоһоон айыытыгар араас тиэмэҕэ 2-3-түү хоһоону Сургулуктан Василий Еппяхов, Үөһээ Бүлүүттэн Евдокия Васильева, Кырыкыйтан Захар Дмитриев, Өргүөттэн Леонтий Ноговицын, Хороттон Раиса Григорьева дойдунан киэн туттуу,айылҕаҕа сүгүрүйүү, чөл олоххо сыһыаннаах хоһоонноро инстаграм, вотсап  группаларынан дьон-сэргэ  сэҥээриитигэр туруорулунна. Күрэх  түмүгэ  Алтынньы  22  күнүгэр киин  библиотекаҕа К. Н. Никифоров  “Хабытта  Бэргэн” олоҥхотунан  тифлоспектакль  туруоруутугар үөрүүлээх  быһыыга-майгыга тутуохтара. Бу акция  кэмигэр биллэр  поэт  Иван Горнай  хоһооннорунан  аудиоааҕыылар көрбөт ааҕааччыларбытыгар “Сырдык  ыллык” ватсап  группатыгар  тарҕаныа.

Вход

Введите логин и пароль, указанные при регистрации