«Олоҕу астына туойабын» Наталья Кашлакова-Дордо кинигэлэрин сүрэхтэниитэ буолан ааста

Бүгүн библиотека саалатыгар «Олоҕу астына туойабын» диэн Наталья Кашлакова-Дордо кинигэлэрин сүрэхтэниитэ буолан ааста. Бу сэргэх тэрээһин Наталья Петровна айымньыларын тула истиҥ –иһирэх кэпсэтии сиэринэн ааста. Ыалдьыттар көрсүһүүнү библиотекаҕа сэргэ куйаар ситимин нөҥүө эмиэ кыттыһан көрдүлэр. Айар куттаах дьоммут «Чэчир» айар түмсүү салайааччыта Николай Васильев-Харыйалаах Уола, СӨ үөрэҕириитин туйгуна Антонина Хобусарова, СӨ култууратын туйгуна Виктория Васильева тыл ылан, суруйааччы туһунан кэпсээтилэр, кини хоһооннорун, кэпсээннэрин ырытан сэргээн ааҕалларын, өссө да атын айымньыларын күүтэллэрин эттилэр. Тэрээһини «Санаа ситимэ» литературнай түмсүү кыттыылаахтара Дордо тапталы, айылҕаны хоһуйбут хоһооннорун ааҕан киэргэттилэр.
Айдарыылаах киһи бары өттүнэн дэгиттэр буолар дииллэр. Наталья Петровна хоһоон, кэпсээн эрэ суруйар буолбакка уруһуйдуур уонна ыллыыр, ырыа айар дьоҕурдааҕын көрдөрдө. Ол курдук бу көрсүһүүгэ элбэх ырыа ылланна, Дордо хартыыналарынан быыстапка турда. Бу курдук айар-тутар талааннаах биир дойдулаахпыт Наталья Кашлакова-Дордо кинигэлэрин сүрэхтэниитэ бэрт сэргэхтик, тэрээһиннээхтик ааста.
Наталья Кашлакова-Дордо дьикти тыыннаах, киһини толкуйдатар, сэдэх көстүүлэри ойуулуур хартыыналарынан Киин библиотека мультимедиа саалатыгар кэлэн көрөргүтүгэр ыҥырабыт.

Вход

Введите логин и пароль, указанные при регистрации