Библиотека үлэһиттэрэ ырааһырдыы субуотунньугар

Хас бээтинсэ аайы буолар ырааһырдыныы субуотунньугун бүгүн Үөһээ Бүлүүтээҕи О.Д. Федорова аатынан киин модельнай библиотека сэргэхтик атаарда.

Бу ыйга хомунуу – иминии, ыраастаныы, бөхтөн-сыыстан быыһаныы буолар, ону кытта тэҥҥэ өй-санаа сааһыланыыта, ыраланыы кэмэ.

Бу үгэстэн туора турбакка, бүгүн Саха тылын үйэлээх үгэһин киинэ тутуллар тиэргэнин ырааһырдыныы субуотунньукка уруккута «Туллукчаан» оҕо уһуйаанын тэлгэһэтигэр элбэх мас мунньулунна.

Манна киһи сэргиирэ-кэрэхсиирэ олохтоох дьаһалта эдэр эрчимнээх үлэһит уолаттара Александр Николаевич Эппэхов, Иван Игоревич Яковлев уонна Семен Николаевич Шеломов кэлэн көмө-нэм буолан, туруоруллубут боппуруостары тутатына быһааран көмөлөстүлэр, инники үлэ былаанын сүбэлэстилэр.

Туруоруллубут сыал-сорук, инники киэҥ былааннаах үлэ олоххо киирэригэр олук уурулунна.

Инникитин да көхтөөх буолуоҕуҥ, сомоҕолоһо сылдьыаҕыҥ!

Вход

Введите логин и пароль, указанные при регистрации