Олоҥхо чорооно О. Д. ФЕДОРОВА аатынан киин модельнай библиотекаҕа ыалдьыттаата.


Үс саха удьуора уутуйан үөскээбит Үөһээ Бүлүүгэ 15-с төгүлүн ыытыллар Олоҥхо ыһыаҕын уонна Саха АССР төрүттэммитэ 100 сылыгар, Ийэ тыл сылынан, төрөөбүт ийэ тылбыт сайдар суолларын тобулар, кэнчээри ыччакка туһуламмыт алгыстаах Олоҥхо чорооно, сүүс күн устата улуус бары нэһилиэктэрин кэрийэн, улуус киинин тэрилтэлэринэн ыалдьыттыы сылдьар. Бүгүн бэс ыйын 9 күнүгэр О. Д. Федорова аатынан киин модельнай библиотекаҕа Олоҥхобут ыһыаҕын бэлиэтин, алгыстаах чороону уруйдаан-айхаллаан көрүстүбүт.

Чочуллубут Олоҥхо алгыстаах чороонун хараҕын харатын курдук харыстаан, сыа-сым курдук кичэллээхтик харайан киин библиотека тэлгэһэтигэр үрүҥ күн анныгар алгыстаах санааннан, үөрүүлээх быһыыга-майгыга туттарда Үөһээ Бүлүүтээҕи техникумун дириэктэрэ Матрена Васильевна Осипова.

Бу ытык бэлиэ чороону үөрэн-көтөн, долгуйан туран ылла О.Д. Федорова аатынан киин модельнай библиотека салайааччыта Наталия Кирилловна Петрова.

Түмүккэ кэрэ-бэлиэ күммүтүн кэрэһэлээн, үгэс буолбут үҥкүүбүтүнэн, алгыстаах Оһуохайынан түмүктээтибит.

Вход

Введите логин и пароль, указанные при регистрации