Хотун Бүлүү туонатыгар тапталлаах Сахабыт Сирэ төрүттэммитэ 100 сылыгар, XV Олоҥхо ыһыаҕын көрсө бэс ыйын 18 күнүгэр О. Д. Федорова аатынан киин модельнай библиотекаҕа Н.К. Шамаев-Чопчухаан “Дьоруо хоҥор аттаах, дьоллоох соргулаах Дьорҕостой Бэргэн” олоҥхотунан тифлоиспиктээх туруорулунна.
Испиктээккэ кыттыыны ыллылар
Олоҥхо театрын артыыстара:
Исаков Валентин Гаврильевич- Норуот ырыаһыта, СӨ Үтүөлээх үлэһитэ, Уус Майа улууһун бочуоттаах олохтооҕо, Иванов Дмитрий Семенович- СӨ култууратын Үтүөлээх үлэһитэ,
Пинигина Алена Владимировна- СӨ Олоҥхо театрын артыыһа.
С.А.Зверев-Кыыл Уола аатынан Үҥкүү театрын “Кыл Саха” төрүт дорҕоон бөлөҕө: Томская Анна Ивановна – бөлөх салайааччыта, СӨ үтүөлээх артыыһа,
Томский Афанасий Афанасьевич – СӨ үтүөлээх артыыһа,
Иванова Анюта Николаевна – СӨ культуратын туйгуна,
Винокуров Дмитрий Васильевич – СӨ культуратын туйгуна,
Федоров Афанасий Николаевич – СӨ культуратын туйгуна.
Үөһээ Бүлүүтээҕи О.Д.Федорова аатынан Киин модельнай библиотека үлэһиттэрэ.
Ыҥырыылаах ыалдьыттар СӨ культуратын миниистирин бастакы солбуйааччыта В.В. Левочкин, Олоҥхо театрын салайааччыта М.В. Турантаева, СӨ Үөһээ Бүлүү улууһун баһылыгын социальнай боппуруостарга солбуйааччыта Л.С. Тойтонова кэлэн үтүө алгыс тылларын эттилэр.
Республикатааҕы ЯРО-ВОИ бэрэссэдээтэлэ И.В. Лебедева уонна Үөһээ Бүлүүтээҕи көрбөттөр обществоларыттан кэлэннэр махтал тылларын, астыммыттарын биллэрдилэр уонна республика араас улуустарыттан, Москва куораттан ыһыах ыалдьыттара испиктээҕи иһиттилэр, сэҥээрдилэр.
Кэлбит дьон тифлоиспиктээҕи истэн дуоһуйа сынньанан тарҕастылар.
