Тохсунньу – Таҥха Хаан ыйа Таҥха Хаан киһи дьылҕатын туһунан тугу этэрин айылҕа бу дьикти кэмигэр билгэлэнэн инникилэрин торумнанан көрөллөрө. Тохсунньу 18 күнүгэр О.Д. Федорова аатынан улуустааҕы киин модельнай библиотекаҕа Таҥхаҕа аналлаах тэрээһин буолла. Сахалар былыргы үгэстэринэн ыалдьыттар таҥха иһиллээһинин, күлүгү көрөөһүнү, буосканан сэрэбиэйи уонна да атын билгэлэнии арааһын кытта билистилэр. Бүгүҥҥү тэрээһин ыҥырыылаах ыалдьыттара Алена Ким – Сайдаана «Баҕа санаа туолуутун картатын оҥоруу” уонна Ньургуяна Дмитриева “Таро” буоллулар. Таҥха киэһэтэ өрүү буоларын курдук ыалдьыттары олус интэриэһиргэттэ, умсугутта. Кинилэр барытыгар көхтөөхтүк кыттан олус астынан, дуоһуйан тарҕастылар.