Үөһээ Бүлүүтээҕи О.Д. Фёдорова аатынан киин модельнай библиотекаҕа “ИЙЭ ТЫЛ СҮМЭТЭ, ИЙЭ ТЫЛ КҮҮҺЭ” тэрээһиҥҥэ ЛЮБОВЬ ЕГОРОВНА ГОРОХОВА – СҮҮМЭХ- СӨ суруйааччыларын сойууһун чилиэнэ, алта кинигэ ааптара, поэтесса уонна ВЛАДИМИР ДАВИДОВИЧ ИВАНОВ- Арассыыйа кикбоксинҥа үтүөлээх тренерэ, норуоттар икки ардыларынааҕы “Ердынские игры-Игры народов Евразии ” этнокультурнай фестиваль тэрийсээччитэ, “Тайна Чингис Хаана” киинэ, “Александр Невский в Срединном мире” испэктээк продюсерын кытта кэпсэтиигэ ыалдьыттарбыт өй – санаа үллэстэр, санааларын – көрүүлэрин сырдатар сэдэх көрсүһүүтэ буолла. Кэлбит ыалдьыттарбыт саха тылын сэҥээрээччилэр, иһирэх истээччилэр үтүө тэрээһинтэн билиини сомсон, саҥаны иҥэринэн, кэрэни кэрэхсээн, дуоһуйа сынньанан бардылар.