Олунньу 14 күнэ – Аан дойдуга кинигэ бэлэхтиир күн

        Олунньу 10 күнүгэр Үөһээ Бүлүү оройуона тэриллибитэ 86 сылыгар туһаайан Өрөспүүбүлүкэбит Ил Дархана Айсен Сергеевич Николаев акцияҕа кыттыыны ылла уонна бэйэтин тус библиотекатыттан Аҕа дойду улуу сэриитин чахчыларын кэрэһэлиир , 5 томнаах “В штабах Победы. 1941-1945. Документы» диэн И.В.Сталин илии баттааһыннаах докумуоннара киирбит дьоһун кинигэни бэлэх уунна. Итиэннэ оҕо сылдьан үгүстүк кинигэ уларса сылдьыбыт, викториналарга кыттыбыт, иһирэх өйдөбүлү хаалларбыт библиотеката олуһун сайдыбытын бэлиэтээн туран, фондатын хаҥатарыгар “Айар» кинигэ кыһатыттан 100 уус-уран айымньыны ыларга туоһу суругу туттарда.

         Ону сэргэ Ил Түмэн наукаҕа, үөрэҕириигэ, култуураҕа, иһитиннэрэр-биллэрэр сириэстибэлэргэ уонна общественнай тэрилтэлэр  дьыалаларыгар сис кэмитиэтин бэрэссэдээтэлэ Феодосия Васильевна Габышева «Писатели Якутии» биобиблиографическай ыйынньык, «Якутия 2021 – календарь знаменательных и памятных дат», “Сердца зов, судьбы веление” о.д.а. сыаналаах кинигэлэри дьоһун бэлэх оҥордо.

         Дьокуускай куораттан физико-математическай наука кандидата Семен Викторович Николашкин кэргэнинээн Антонина Анатольевналыын кыыстарын кинигэтин бэлэхтээтилэр, филологическай наука кандидата, биллиилээх фольклорист, литературнай чинчийээччи Кардашевскай Георгий Романович кыыһа Галина Георгиевна уонна Национальнай библиотека кылаабынай специалиһа  Сардана Васильевна Алексеева куйаар ситиминэн бэлэх ыыталларын биллэрдилэр. Ону сэргэ СӨ суруйааччыларын сойууһун чилиэнэ Нанова-Солдатова В.С. бэйэтин кинигэтин хомуурунньуктарын ыытта.

Тэрилтэлэртэн  “Үөһээ Бүлүүтээҕи лесничество» (сал.А.В.Терехов),  АО РИК “Автодор» Үөһээ Бүлүүтээҕи филиала (сал.А.Н.Васильев), «Үөһээ Бүлүү” хаһыат редакцията (сал.С.М.Иванов), МФЦ (сал.С.В.Николаева), Социальнай харалта управлениета (сал.Л.Н.Ильина),Үөрэх управлениета (сал. С.О.Борбуев), АО”Сахатранснефтегаз» (сал.И.В.Захаров), «Алмаасэргиэнбаан» (сал.В.В.Евдокимов), М.Т.Егоров аатынан 2 №-дээх орто оскуола (директор А.Н.Федоров),Д.С.Спиридонов аатынан 4 №-дээх орто оскуола (директор Ю.В.Кынатов),республиканскай лицей-интернат (директор Н.К.Федотова) көхтөөх кыттыыны ыллылар.

               Биирдиилээн дьоннортон Бугулова Людмила Егоровна, Михайлова Мария Даниловна,Каташева Марианна Варламовна, Егорова Людмила Алексеевна,Иванов Аркадий Степанович,Тарасова Гюльнара Владимировна сахалыы таҥаска бэйэтин үлэлэрин альбомун,Татьяна,Василий Титовтар, үлэ ветерана Яковлева Мария Герасимовна дьиэтээҕи библиотекатын 243 экземпляр кинигэтин, Үөһээ Бүлүүтээҕи Исидор Барахов аатынан орто оскуола 6 кылааһын үөрэнээччитэ Алеша Федоров  бэйэлэрин дьиэтээҕи библиотекаларыттан бэлэх ууннулар.       

          Бу тэрээһин кинигэни таптыырга, сыаналыырга үөрэтэр,кинигэ киһиэхэ бары өттүттэн үүнэригэр-сайдарыгар төһүү күүс буоларын мэктиэлиир.

          Кинигэ фондатын хаҥатар уонна корпоративнай каталогизация отдела

Вход

Введите логин и пароль, указанные при регистрации