ОЛУННЬУ ЫЙ 13 КҮНЭ — ТӨРӨӨБҮТ ТЫЛ УОННА СУРУК-БИЧИК КҮНЭ.

Быйылгы дьыктаан тиэкиһэ Амма Аччыгыйа “Атаҕастабыл” айымньытыттан быһа тардыы буолла. Дьыктааны аахта Үөдүгэй нэһилиэгин Сэбиэтин дьокутаата, Кииннэммит библиотечнай ситим директора Петрова Наталия Кирилловна.

Хас биирдии кыттааччыга “Туоһу сурук” туттарылынна, “Бастыҥтан бастыҥ суруксут” Буртахова Евдокия Ивановна – О. Д. Федорова аатынан киин модельнай библиотека кылаабынай методиһа буолла.
Бастыҥ суруксуттарынан:
Спиридонова Люция Петровна – урбаанньыт,
Иванова Сусанна Иннокентьевна – атыы-эргиэн үлэһитэ,
Семенова Кристина Афанасьевна – “Үөһээ Бүлүү” хаһыат эппиэттиир сэкирэтээрэ.

Кыайыылаахтары эҕэрдэлиибит!

Сылтан сыл аайы дьыктаан суруйуута тупсан иһэр, биһиги нэһилиэкпитигэр анал идэлэриттэн тутулуга суох дьон дьыктааны сыыһата суох таба суруйуулара сөхтөрөр.

Сыл ахсын дьыктаан суруйуутугар сүбэ-ама, бэрэбиэркэтигэр күүс-көмө буолар И.Н. Барахов аатынан 1 N-дээх орто оскуола, саха тылын учууталыгар Матрёна Пантелеймоновнаҕа улахан махталбытын тиэрдэбит.

Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун!