Олунньу 13 күнүгэр, О.Д.Федорова аатынан киин модельнай библиотекаҕа Оҕо саас сылын иитинэн уонна Ийэ тыл, сурук-бичик күнүнэн улуустааҕы бастакы дорҕоонноохтук ааҕыы күрэҕэ ыытылынна. Тэрийээччилэр О.Д. Федорова аатынан киин бибилэтиэкэ уонна улуустааҕы Ийэ тыл Сүбэтэ. Күрэх саҕаланыытыгар эҕэрдэ тылы улуус баһылыгын солбуйааччы Л.С. Тойтонова уонна улуус үөрэҕин салалтатыттан Л.Н. Огочонов эҕэрдэ тыллары эттилэр.
Бу күрэххэ улуус 13 оскуолатыттан 3-түү оҕолоох 12 хамаанда кытынна. Күрэх икки түһүмэҕинэн ыытылынна. Күрэхтэһээччилэр үс сүҺүөҕүнэн арахсан, үс тус туҺунан ааҕар саалаҕа олорон күрэхтэстилэр

• Бастакы түҺүмэххэ дьүүллүүр сүбэ сыаналааһынынан түмүк:
  • Алын сүһүөх оҕолор бэриллибит айымньыны көрөн туран дорҕоонноохтук ааҕыыга (1-4 кылаас).
    1 миэстэ – Яковлев Динасий, Д.С. Спиридонов аатынан, 4-с нүөмэрдээх орто оскуола.
    2 миэстэ – Иванов Сева, В. Г. Чиряев аатынан Хоро орто оскуолата.
    3 миэстэ – Антонова Айыллаана, Т.И. Петрова аатынан Өргүөт орто оскуолата.
    3 миэстэ – Татаринов Руслан, И.Н. Барахов аатынан 1 нүөмэрдээх орто оскуола.
  • Орто сүҺүөх оҕолор бэриллибит айымньыны мүнүүтэҕэ аахтылар ( 5-8 кылаас)
    1 миэстэ – Алексеев Эрсаан, А.И. Федоров аатынан Тамалакан орто оскуолата.
    2 миэстэ – Чымыев Айыстаан, Дьүөгэ Ааныстыырап аатынан Кэнтик орто оскуолата,
    3 миэстэ – Васильева Маша, Н. Якутскай аатынан Харбалаах орто оскуолата.
  • Үрдүкү сүҺүөх оҕолор хоһоону уус-уран ааҕыы (9-11 кылаас)
    1 миэстэ – Алексеева Марианна, М.А. Алексеев Үөһээ Бүлүүтээҕи өрөспүүбүлүкээнискэй лицей-интернат.
    2 миэстэ – Дягилев Артем, Үөһээ Бүлүүтээҕи Ю.Н. Прокопьев аатынан спортивнай орто оскуолата.
    3 миэстэ – Неустроева Чөмчүүнэ, Боотулуу орто оскуолата.
• Иккис түҺүмэххэ бастакы түһүмэх түмүгүнэн биэс бастыҥ аатын ылбыт оскуола хамаандалара иккис түһүмэххэ кытыннылар:

1 миэстэ (110 баал) – Тамалакаан А.И. Федоров аатынан орто оскуолата Үөһээ Бүлүү улууһун дьаһалтата анаабыт 10.000 т уу харчынан анал бирииһэ.

2 миэстэ (107 баал) – Дьүөгэ Ааныстыырап аатынан Кэнтик орто оскуолата Үөһээ Бүлүү бөһүөлэгин дьаһалтатын 7000 т.сертификатынан анал бирииһэ.

3 миэстэ (103 баал) – Т.И. Петрова аатынан Өргүөт орто оскуолата Үөһээ Бүлүү үөрэҕин салалтата анаабыт 5000 т. сертификатын анал бирииһэ.

4 миэстэ (101 баал) – Боотулуу орто оскуолата, “Үөһээ Бүлүү хаһыат” редакцията анаабыт 3000 т. сертификатын анал бирииһэ.

5 миэстэ (99 баал) –Ю.Н. Прокопьев аатынан спортивнай орто оскуола, Ийэ тыл сүбэтин анал бирииһинэн наҕараадаланнылар.

   Сахалыы дорҕоонноохтук ааҕыы күрэххэ муҥутуур кыайыылаах аатын А.И. Федоров аатынан Тамалакаан орто оскуолата, хамаанда чилиэннэрэ Саввинова Сайнаара 3 кылаас үөрэнээччитэ, Алексеев Эрсаан 7 кылаас үөрэнээччитэ, Попова Эвелина 10 кылаас үөрэнээччитэ. (Салайааччы А.В. Трофимова ) ылан Үөһээ Бүлүү улууһун дьаһалтата анаабыт 10.000 тыһыынчанан бириэмийэлэннэ.

Күрэххэ кыттыбыт оҕолорго барыларыгар туоҺу сурук уонна минньигэс бэлэхтэр туттарылыннылар.
Бастакы улуустааҕы дорҕоонноохтук ааҕыы күрэххэ кыттыбыт нэһилиэктэр уонна улуус оскуолаларын администрацияларыгар, учууталларга, үөрэнээччилэргэ тэрийээччилэр ааттарыттан истиҥ махталбытын биллэрэбит. Күрэҕи сыаналыырга Үөһээ Бүлүү устуоруктар уонна кыраайы үөрэтээччилэр түмсүүлэрин салайааччыта Б.С. Макаров бэрэссэдээтэллээх Дьүүллүр Сүбэҕэ үлэлээбит бары дьоммутугар уонна тэрээһини ыытарга өйөөбүт тэрилтэлэр салайааччыларыгар барҕа махталбытын тиэрдэбит.
Бу ыытыллыбыт сахалыы дорҕоонноохтук ааҕыы күрэҕэ сылын аайы ыытыллара былааннанар. Онно өссө тэрээһиннээхтик бэлэмнэнэн кэлэн кыттыахтара диэн ыҥырабыт.
Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ үүнэ-сайда турдун!