1897-1962

Үөһээ Бүлүү оройуонун Туобуйа нэһилиэгэр төрөөбүтэ. Булдунан ииттэн олорбута. Кэргэнэ Филиппова Варвара, сиэнэ Сидоров Михаил Афанасьевич.

16 саастааҕыттан олоҥхолуура. Тылын ууһунан, олоҥхолуурун уратытынан, ырыата кэрэтинэн киһини тардар, кэрэхсэтэр олоҥхоһут этэ. Горнай, Өлүөхүмэ, Бүлүү, Үөһээ Бүлүү оройуоннарыгар олоҥхолуура. Үҥкүү тылын этэрэ, норуот ырыаларын толороро, остуоруйалыыра.

Олоҥхолоро: «Атыыр сылгы көлөлөөх Аллы-Дуллу», «Модун соҕотох», «Көдьүгү маҥан аттаах Көр Буурай», «Бэс тыа быһаҕаһа быстыбытын курдук Моҕул тураҕас аттаах Бэриэт Бэргэн».

( И.Е.Давыдов хомуйуута).