1848-1940 гг.

Тимофеев Петр Федорович – Биэчэрэ Үөһээ Бүлүү оройуонун Ороһу нэһилиэгэр (Күүлэлээх) төрөөбүтэ. Колхуостаах, 92 сааһыгар өлбүт. Кыыһа Харытыана, уола Бүөтүр, сиэннэрдээх.

Эдэр сааһыттан олоҥхолуура. Бырааһынньыктарга, быыбарга олоҥхолуур этэ, остуоруйаһыт, сэһэнньит. Тыла ууһа, ырыата үчүгэйэ, куолаһа кэрэтэ кини этэ. Эдэр сааһыгар Бодойбоҕо баран 25-27  сыл сылдьыбыт.

Олоҥхолоро «Атахтаах алтан араҕас аттаах Аллы Дуллу», «Түптээх олоххо олорботох Түмэн Түүрэй бухатыыр», «Кэриир хара тыаны кэтэҕинэн эргийэр Кэкэ Дьулаан аттаах Күндүлү Хаадьый бухатыыр».

(Увар Васильевич Тимофеев, 27.05.1977. И.Е.архыыба).