Үөһээ Бүлүүтээҕи О.Д. Фёдорова аатынан киин модельнай библиотекаҕа кулун тутар 17 күнүгэр, күнүс 15:00 чаастан үгүс дьон-сэргэ сэҥээриитин ылбыт айар куттаах ыалдьыттарбыт ОЛОХ. ТАПТАЛ. ДЬЫЛҔА … истиҥ иэйиитэ туойуллар, хоһооннорун хонуутугар биһирэмнээн көрсүһэр, арыылаах алаадьынан айах тутар, атах тэпсэн олорон сэһэргэһэр дьоро тэрээһин. АЛЬБИНА ЕГОРОВНА ФИЛИППОВА-СЫРАЛЫМА – Кырыкый нэһилиэгин бочуоттаах олохтооҕо, ,,Чэчир,, айар түмсүү чилиэнэ “ОЛОҔУ КЭПСИИБИН”, “ОЛОХ ДИЭН КЭРЭ ЭБЭЭТ” уонна ДМИТРИЙ ИВАНОВИЧ КОНОНОВ – “Тыл сүмэтэ”, “Чэчир” айар түмсүү чилиэнэ “САЙАР ИЭЙИИМ КЫЛЫНАН…”, “ИЭЙИИМ ТЫРГЫЛ ОҺУОРДАРА” кинигэлэрэ сүрэхтэнэр тэрээһинэ. Сүүстэ истибиттээҕэр биирдэ көрбүт ордук. Дууһа иэйиитин тылга тиһэр, ааҕааччыны абылыыр, толкуйдатар хоһооннордоох сүгүрүйэр дьоҥҥутун эт кулгааххытынан истиҥ, сэргээҥ, кэрэхсээҥ!